Published On: Wed, May 31st, 2017
Sports | Post by jerome

Mahrez aomba kuondoka Leicester City

Share This
Tags

Kiungo wa Leicester City Riyad Mahrez amesema kuwa anataka kuondoka katika klabu hiyo.

Mchezaji huyo mwenye miaka 26 aliyejiunga na klabu hiyo akitokea Le Havre ya Ufaransa kwa ada ya uhamisho wa paundi 400,000 mwaka 2014, amesema alikubali kubaki klabuni hapo kwa msimu mwingine baada ya majadiliano mazuri na mwenyekiti walipoishangaza dunia kwa kuwa mabingwa wa EPL msimu uliopita.

Lakini kwa sasa amesema kuwa tiyari amekwisha iambia klabu juu ya kuondoka kwake na anaomba wamruhusu kufanya hivyo.

Mahrez mshindi wa tuzo ya mchezaji bora wa England mwaka 2016, amecheza mara 48 msimu huu akifunga magoli 10 na kutoa pasi saba za magoli.

Leicester ilianza msimu wa ligi ya England vibaya na hatimaye kumaliza katika nafasi ya 12, lakini ikafika hatua ya robo fainali michuano ya ligi ya mabingwa Ulaya.

Posted By

-

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>